ويـاه واقـع نعـيشـــه جمــــيعــــا ( شرح الاغانى من خلال الواقع على شباب كريزى

ويــاه البوم الواقعيــة .. واقــع عشناه ونعيشه وسنعيشـه ..

****************************

ويـــاه

[ندعوك للتسجيل في المنتدى أو التعريف بنفسك لمعاينة هذه الصورة]

دخول الاغنية تحفيز المستمع تخليك مستعد للدخول فى اغنية مليانة فرحة

طبقة صوت عمرو فى الاغنية تسـاعد على كده

ده اللى كــان نفــسى فــيه .. حـلم اتحققله بداية موفقة مليـانة

فـرحـة ..

ويــاه الحـياة احـلى وانا معــاه قدرت اوصل مستمع الاغنية للحالة

المطلوبة ..

ساعد على كده ايقاع التكنو والترانس فى الاغنية

ايوه هاقول واعيد ماهو بقا جانبى ومش بعيد فرحـة قلـبى كـانه عيد

مستنيه .

ده اسمه الوصول لاحساس المستمع بابسط الطرق

وعـلى عكس اغنية نقـول ايه اللى ظهر براعة الموزع فى بدايتها

جات ويــاه براعة التوزيع فيها فى النص الاخير من الاغنية

خـرج بطبقة عالية من صوت عمرو لايقـاع هادى جدا استخدم صوت عمرو

وتدرج طبقات صوته

عشـان يرجع الاغنية تانية لتوزيعهـا وقدر يخـرج من الاغنية بابسط الطرق

****************************

بــقدم قــلبـى

[ندعوك للتسجيل في المنتدى أو التعريف بنفسك لمعاينة هذه الصورة]

الاغنية دى فـى رأيى من اقوى اغانى الالبوم فى التجديد اللى عمـرو

معودنا عليه فى كل البوم

تجديد فى الكلمـات تعبر عن حـالة انسـان اول مرة يحـب ( الحـب الاول )

انا ماكانش الحب عمــره فى نيتــى وانا معــاك غيرت وفكرتى اه يا حبيبى

لاقيت فى حبك فرحتى

ايقـاع لاتينى هادى جدا بين اخـتلاف طبقـات صوت عمرو فى كل جزء فى الاغنية

اجـمل مافـى الاغنية دخـول الكورال بجمـلة ( انا ماكانش الحب عمره فى نيتى وانا معـاك )

طبقة صوت عمرو فـى ( غـيرت رأيى وفكـرتى ) والتدرج من الطبقة العالية

للخروج من الجملة

الكوبلية التانى فعـلا بيأكد جمال اول حـالة حب يصدفها الانسان فى

حيـاته

انا بحبك قد كل الدنيا دى ولا قد الشمس والليل والهوا من النهاردة

قدرت اعـرف قد ايه

انا بحبك قد كل دول سوا ...

الجملة دى مادخلتش دماغى بسهولة حسيت انها مش قوية يعنى كان ممكن يقول

( انا بحبك اكتر من روحى وعمرى او كلام من التقيل ده )

بس فكرت فيها( لما حبيت اول مرة وواقف قدامها اول كلمة هاتقولها ايه؟)

فعرفت قوة الجملة دى فين فى بساطتها وعدم التكليف فيها عشان تلاءم

حالة الحب الاول

من اجمـل الاغــانى اللى تعبر عن فرحة الحب اول مرة وهو للعلم اجمل حالة

بيعيشها الانسـان فى حيـاته

ومابينســاش ذكريتها الا فى حالة واحدة هاتوضحهلنا باقى الاغانى

****************************

كله الا حبيبى

[ندعوك للتسجيل في المنتدى أو التعريف بنفسك لمعاينة هذه الصورة]

خطـاب شديد اللهجة يقدمه الحبيب دفاعا عن حبيبه فى الكلمة دى بس

يتحدى الدنيا دفاعا عن حبيبه .. وتؤكد شدة وعمـق هذا الحـب ( انا

ليا مين فى الدنيا بعد حبيبى )

قبل سماع الالبوم كونت معترض جدا على تغير التوزيع

لكن بعد سماع الالبوم كامل عرفت الاسباب اللى دفعت عمرو لتغير التوزيع

وهى كالتالى

اضـافة ايقاع شرقى لجعل الالبوم شامل كل الاشكال الموسيقية ( الغربى

واللاتينى والشرقى )

التوزيع الشرقى ابرز جمال كلمات الاغنية وبين اختلاف طبقات صوت عمرو بين

طبقة عالية اعتراضية ( كله الا حبيبى )

طبقة اقل منها لتشمل حنية الحـب ( هو حلم حيـاتى واللى بتمناه واللى عشت ليالى العمر بستناه )

من اجمل الاغانى التى تعبر عن شدة حالة الحب وتحدى اى مشاكل تفرضها اى

عوامل خارجية

****************************

الـله عــلى حــبك انــت

[ندعوك للتسجيل في المنتدى أو التعريف بنفسك لمعاينة هذه الصورة]

كلمة تعلم على مدى سنين وبعد الاغنية دى هايفضل يتناقلها اى حبيبين

تجديد فى ايقاع التكنو باضافة كورد سبانش فى الباك ساوند

الاغنية عندها ميزة مش غريبة على ديـاب ميزة الجملة الشارخة بمعنى

بمجرد انتهاء عمرو من غناها تلاقى نفسك بترددها وراه ( الله على حبك انت ما بحبش غيرك انت والدنيا عندى انت والدنيا عليك شوية )

اغنية مناسبة جدا للغزل بين حببين وهو ده فن ديـاب المحترم باستخدام الغزل العفيف فى كلمات اغانيه

ضحكة عينك لعينى .... الله الله ياعينى ... من يوم ماشافتها عينى بتلف الدنيا بيا

واخد قلبى بحنانه ...... وماحدش خد مكانه ... والشوق والحب بانه فى الليلة الحلوة ديه

عاشق صوته وكلامه .... عايش على احـلامه ... ما اعرفش ليه قدامه بتلف الدنيا بيا

وعمرو بطبقات صوته اضـاف على الاغنية الفرحة الموجودة فى اللحظة دى

تجديد وضح فى كلمات لم نعهدها فى فن ديـاب نفسه

****************************

صدمـة المستمع

يـهـمـك فـى ايه

[ندعوك للتسجيل في المنتدى أو التعريف بنفسك لمعاينة هذه الصورة]

اغنية صادمة بكل المقاييس بعد حـالة من الحب جمال لحظاته بما فيها

فـرحة . تقديم القلب للحبيب . تحدى اى اخطـار ضد حبيبه . غـزل

الانتقـال بالمستمع فجـأة لحزن وقسوة جــرح الحبيب صدمة بكل المقاييس

يهمـك فى ايه . امــوت ولا اعــيش . كلمة تبين درجة الجرح اللى ممكن ينهى اى علاقة

خـلاص انجرحـت لدرجة انـك نسيت اى حاجة بينكم ده واحد انت ماتعرفوش !!!

واهه كـل واحد يعمل اللى يريحه وانا راحتى فى فـراقـك !!!

نفــسك تسـمع ايه شــوية كـلام . تــريح ضميرك بيه ! وهاتفيد بأيـه روح شوف حيــاتك جــرح قلبى سمحــت فيه

كلام يـدل على قسوة جرح الحبيب ( جــرح = فـــراق ) من غـير اى تفـاهم او اى كـلام وعـلى الرغم من قسوتك

سامحتــك بس ما ينفعـش انـى ارجعلك او اسمعك كـلام ترضى بيه ضمــيرك ومالكش اى مبرر لجرحى .....

شـدة الحـب = شدة او قسـاوة الجـرح اللى هاتتعرضله فى الحـالة دى ( لو حصـل لاقدر الله )

وده اللى قدر عمـرو يوصله فى الاغنية دى بعد باقى الاغـانى اللى عبرت عن قوة الحـب

احســاس عمرو فى الاغنية - طبقة الصوت الحزينة - طبقـات صوته فى الاغنية قدرت توصـل المستمع

لحـالة صدمـة - حــزن - قلب عليك المواجع - حذر كل اللى بيحبه من قساوة جرح الحبيب

لحـن وتوزيع الاغنية اكـثر من رائع . اضافة كوردات الاليكتريك جيــتار عبرت عن حـالة ( الغضب الحــزين )

بصراحة يا جماعة طبقــات صوت عمرو فى الاغنية دى عاوزة موضوع لوحده عشان اخود راحتى فيه هههه

اغنية يهمك فى ايه .. توصل للمستمع من

1- حالة عاشهـا فعــلا وجـات الاغنية تقلب عليه المواجع
2- تحذير لكل حبيب شدة الحب = شدة الجرح المتوقع
3- لو كونت انت السبب فى الجرح ده هاتحسسك بقسوة فعلك

وفـى التلت حـالات . اصـابتك بصدمــة !

****************************

دلـوقتــى ميعـــاد سؤال مهم جداااااا

لما بتكون مصدوم او حزين او خـايف وقلقان بتحتاج ايه ؟؟؟

الاجـابة . حد يطبطب عليك !! ماتزعلش . ماتخافش . ماتقلقش

شـوف داخلة الجيـــتار فى حـلوة الايــام فيهـا الرقة المطلوبة على اذن المستمع للخروج من حالة الصدمة او الحزن

وبجـد الراجل ده عــبقـرى وبيعــرف ازاى يطلع من الاغنية عشان يسمعك اللى بعدهــا

حــلوة الايــام

[ندعوك للتسجيل في المنتدى أو التعريف بنفسك لمعاينة هذه الصورة]

من اجمــل الاغـانى اللى تعبــر عن اجمــل نهاية لاى قصة حـب بين اتنين

وهنا عمرو رجعـك لحــالة الفــرحة الحــلم بحــياة يتمناها الجميع

عـلى الرغم من الجــرح الحــزن القلــق حـــــلوة الايــام

اوعدنــى هاتفضــل طول العمــر فى دنيــايا

دى حــيــاتى عايشهــا فى جــنة طول ما انت معايـا

الـكل يحــلم بجــنة حبيبه ... فــرحــة للى قدر يحقق الحلــم وامــل للى ماقدرش يحققه

لاغــية اللحظة دى

من اول مــرة قابلتك وعــرفتك فيهـــا ولاقيت الدنيــا الحلوة اللى انا بحــلم بيها ...

لا تعــليق على مدى جمــال كلمات الاغنية دى ....

داخــلة الاغنية بعد يهمــك فى ايه ... عبـــقرية

ايقــاع التكنو اضـاف جو الفرحة المطلوب

الاليكتريك جيــتـار نقــل المسمتع من الحزن للفرحة من بداية الاغنية

من اجمـل طبقــات صوت عمــرو الطبقة العالية اللى استخدمها فى الاغنية دى

اغنية من الكــتاب الديــابى يسجلها التــاريخ من عنوانهـا ( حلوة الايــام )

حـزين مكتئب قلقان اسمع حلوة الايـام اغنية تنقلك للتفــاؤل فى ثوانى

****************************

طـــمـــنــى

[ندعوك للتسجيل في المنتدى أو التعريف بنفسك لمعاينة هذه الصورة]

عــودة لاغــانية الجــملة الشـــارخـة

طمــنى امتى تقـــرب منـــى ده انا عـــاشق مستــنى .. واقف فــى مكــانـى وبنــادى عليك

اغنية خفيفة تحفظها من اول مرة تسمعها

بتبين شــوق الحبيب لحبيبتــه واستعجـاله ميعـاد تحقيق حلمه باللقـاء العيشة فى بيت واحد

اغنية تحفـة بكل المقــا ييس جمعـت بين الكلمات الخفيفة اللى توصـل للمستمع من اوسع الابواب

والبسـاطة فى التعبير اجمـع عليها كثيرين انها من اجمل اغانى الالبوم فى بداية سماعهم ليه

عشـان واضح قوة اداء عمـرو فى اغنية تدخل القلب من اول كلمة فيها

****************************

مــــالـــك

[ندعوك للتسجيل في المنتدى أو التعريف بنفسك لمعاينة هذه الصورة]

عـلى الرغم من اخــتلاف النــاس على الاغنية دى الا انى فـى رأيى على الحالة اللى ماشـى عليها الالبوم اغنية محورية

ماينفعش الالبوم من غيرها وهاتعرف السبب فـى اخــر الموضوع

اغــنية تحمـل معــنى الاستهــزاء بحبيب غــادر ويستحــق كده

مش خـلاص حبــيت نــاس قيت معاهم جــاى بتسأل ليه عنـــى من وراهم

فـى رأيى تحقيق مبدأ الـكرامة فـى حـب هذا الغـادر مطلوب وده اللى جـات بيه الاغنية

على الرغم من اااه عمــرو فى الباك ساووند واللى تبين انه مجروح ومدارى

حبيب غـادر وحــب غــيرك وجـاى يسأل عليك اظن هنـا تحقيق العدالة درس لن ينســاه فى الاغنية دى

رتــم المقسوم اضـاف للاغنية وخـلاها زى قصة صغــيرة

استخـدام الكامنجـا وضـح ان فـى جـرح عـلى الرغم من الغدر الموجود

اهمية الاغنية فـى الالبوم هاوضحها بعدين

****************************

وحـــيــاتــى خـليكـى

[ندعوك للتسجيل في المنتدى أو التعريف بنفسك لمعاينة هذه الصورة]

كـلمة ( وحيــاتـى ) حلفــان او قســم باللغة الحبايب بيحلفو بعض بيها لتحقيق تمام الثقـة بأنه هايعمل اللى انت هاتحلفه بيه

(وحيـاتى اعــمل كذا ) على سبيل المثــال

خــليكى . امــر شــامل معـنايين حســب الحـالة اللى فيها المستمع

قـرب الحبيب منك ..... وفى الحـالة دى عمــرو بيديك اغنية رومانسية من الطراز الاول ( قــمة الاحســاس )

اغنية تعيشك فعــلا فـى اجمــل لحظــات الحب ..

بعـد الحبيب عنك ... وفـى الحـالة دى الاغنية هاياخودها المستمع بمعـنى رومانسـى حـزين

واللون الرومانسى الحـزين هو المطلوب فـى الاغنية دى لتحقيق مبدأ اتعودناه من ديـاب ( توحيد الجو النفسـى فى الالبوم )

ايـقــاع جديد وغـريب على الاغنية العربية عموما اعتقد انه جـاز باين من البيـانو اللى فى اول الاغنية

طبقـة صوت عمـرو واداءه فـى الاغنية رومــانســى حــزين من سبب غــامض ( هاقولهولك بعدين )

نهــاية الاغنــية ب ـ ( وحيــاتى خليكى . وحيــاتى خليكــى ) خـلق جو من الحـزن القلق الخـوف

وسابلك النهاية مفتوحــة عشــان تسرح وتفكر في الاغنية

اغنية تجبر كل من يسمعها انه يدخـل فى جو من السرحـان والتفكــير .

****************************

سؤاااال مهم تاااااانى

لمــا تكون سرحـــان او بتفــكر بتحتاج ايه ؟؟؟

اكيد حد يفـاجأك !!!

لتــانى مرة ياعمرو فـى البوم واحد العبقرية فـى نقــل المستمع من حـالة السرحان او التفكــير بعد اغنية قمة فى الرومانسية

الحالمة الحزينة الى جو اخــر بعيد عن التفكير والغموض !!!!

داخـلة عينــى وانا شــايفه حققت مفـاجئة للمستمع لنقــله من السرحــان للواقع مرة اخــرى

عبقرية خـبرة فى الرؤية الفنية للالبوم وترتيب الاغـــانى لا تعــليق اسطورة

حاسب كــل حــاجة بالمسطرة

****************************

عــــينــى وانا شـــايفه

[ندعوك للتسجيل في المنتدى أو التعريف بنفسك لمعاينة هذه الصورة]

داخـلة الاغنية حكــاية وضح فيها براعة الشــافعـى بداخلة محفــرة لكل مشــاعر الانســان

خــبرة وعبقــرية ديـــاب فــى الرؤية الفنــية للألبوم وترتيب الاغــانى

من اقــوى التوزيعـــات فـى تــاريخ الــبومـــات عمـــرو ديـــاب

طبقــة صوت عمــرو وهو داخـل على الاغنية

كـأنه بيقولك اصحــى !! فــوق من السرحــان اللى انت فيه وارجـع لجو الالبوم تااانى

ارجـع لحــالة فـرحة الحــب المســيطرة عــلى الالبوم والاغنية دى بداية نهــاية سعيدة لقصة الالبوم

وان تـاخـر ترتيبها فده زى ما وضحــت عبقـرية ديـــاب عشـ،ان يعــرف ازاى
يتحكم فى المستمع ومايخرجوش من جو الفرحة الا فى اخـر الالبوم

بداية نهــاية قصة حــب سعيدة ... ده ملخص الاغنية
مع جملة غـزل عفيف ( الله يا جمــاله هما شــافو ايه )

عيــنى وانا شــايفه عــايزة تــانى ايه

قــلبى وانا عـــارفه قــالى روحـــى فيه

اغنية جمعـت جمــال الاداء قــوة طبقة الصوت دليل عـلى بداية النهاية السعيدة

وروعة الكلمـــات

وحملــت معــانى تـاكيد حبه الشديد لحبيبه

روعــة التوزيع .. الخــروج من ايقــاع عالى التيمبو مرة واحـدة وبعدها رجــع بصوت عمــرو فى طبقة صوت استاااااذة

لما قــال .. ده حبيب قــلبى انا . يرتــاح واتعب انا ..

بعدهــا .. ده حبيب قــلبى انا .. فداه عمـــرى انا ( خلصت كده القصة )

والخروج بعينى وانا شــايفه باك ساوند سبناش جيتار عشان يرجع للتيمبو الاصــلى للاغنية

****************************

ااااااااه مـــن الفــــــراااااااق

[ندعوك للتسجيل في المنتدى أو التعريف بنفسك لمعاينة هذه الصورة]

هنــا وضحت قصــة الالبوم اغنية تعــبر عن حــال كثــيرين

فــراق ( خلينا صحـــاب احســـن )

اصعــب عــذاب ومايحسش بيه الا اللى جــرب لان فى الحــالة دى بيكون الحب موجود

وسبب الفراق عدم التوافق ( يعنى بالبلدى طبع فيه مش عاجبها او طبع فيها مش عاجبه )

ومش قــادرين يتغلبو على العقبة دى

او مشـاكل يفرضهـا المجتمع او عوامل خـارجية بتأثر على وجود الحب ده
وبالتالى اول ماتتقـال كلمة خلينا صحــاب احسن

بتولد العنــد ... بمعــنى انه طالما قال او قالت كده يبقـا لو رجعت معنى كده انى ضعيف ....

وده اللى بان فى الاغنية

وفــقتو غصــب عنــى . ووفقـــنى غصـــب عنـــى

مابــانش ضعف منــى . ومابانش ضعــف منــه

ده العند اللى بتكلم عليه وكتم اى مشــاعر بينهم فى لحظة الفراق

ومشــينا كـل واحد . راضــى بالاتفــاق

وبان حزنـه كله . وضعفه لما فــاق

كـل واحد فيهم مثل الرضـا على التانى وده نتيجة العند

وان كل واحد فيهم ماكانش فى وعيه فى لحظة الفراق دى

عشان كده ماظهرش الحزن الا لما فــاق ...

ويا عينى على اللى كــان بيحب التــانى اكتر

بيهــرب من المــكــان وبيبقا عذابه اكــبر ..

ودى واضحة جدا ومش محــتاجة اى كــلام عليها

وياعينى على اللقــا من غــير غيرة وعتــاب

ده مافيش بين الصحـــاب غيــرة وعــتــاب

لما سمعــت الجملة دى مافهمتهاش فى الاول . يقصد ايه

لما ركزت فيها عـرفـت قد ايه الجملة اللى فاتت دى عبقرية من ( المؤلف)

وانه فــعلا عــاش التجربة دى وبالتالى كتب عنها

وماحدش هايعرف الجملة دى غير اللى عــاشها

وهــى شاملة الحبيبن على فكرة . ازاى ؟؟؟؟

بالنسبة للراجل . لما تكون بتغــير على حبيبتك وفجــأة تعرف ان مش من حقك تغير عليها ..

بالنسبة للبنت . لما تكونى دايما تعاتبيه وفجأة تعرفى انه مش من حقك تعتبى عليه ...

زى ما الراجل مجنون غيرة وبتكون واضحة فيه ... (وهــى تحـب غيرتك بحدود عشان بيحسسها بانوثتها )

كمان البنت دايما تعاتب عليه فـى اى حــاجة ....( وهو يحب عتــابك بحدود عشـان بيحسسه باهميته )

انـمــا فـى حـالة الصحــاب لابيكون فـى غيرة . ولا بيكون فـى عــتــاب كله بيكتم مشــاعره وده العذاب اللى بيتكلم عليه

عذاب الكتمان ....

دلوقتى لقـانا هــادى . قــال يعــنى شوقـــنا غـــايب

ويبــان كلامنــا عــادى . مع انــه كلام حبــايب

وان شوفته ويــا غــيرى . يطـول فـى السـلام

وشــافنى شــايفه يعنــد ويطــول فــى الكــلام

وده واقــع فـى الحــالة دى او موقف حقيقــى بيحصل كتير

نتيجة لوجود الحــب .. لكن العند يخليهم كــاتمين اللى جواهم

نهــاية الاغنية ب

ياعينى على اللقا من غير غيرة وعتــاب

ده مافيش بين الصحــاب غيرة وعتـــاب

جملة توجع كل اللى عــاش الموقف ده

قصة واقعية وبتحصل وحصلت لناس كتير اوى

كلمــات عبقرية ... شرحت الموقف كله فى اغنية

لحن عبقرى وضح الحزن المكتوم

طب ايه نهـــاية قصة الحب المكتوم بسبب العند ده

او فــراق الاصحـــاب مع وجود الحب مكتوم جواهم !!!

فــى الحــالة دى بتكون النهاية الوحيدة للقصة دى وبتكون بعد سنة اتنين تلاتة من الشد والجذب ومحاولات الرجوع المستخبية

لكن استمرار العند فى الحكاية دى بيجيب النهاية على المدى البعيد

وبيتكون النهاية لما واحد فيهم يدخــل فــى عـــلاقة مع حــد تـــانى خــــالص من باب العند ( او خوف لا القطر يفوتك )

وهـنا تيجى عبقرية اغنية .... ( مـــــــالـــك ) مش خـــلاص حبيت . نــــاس بقيت معـــاهم ... جــاى بتســال ليه عنـــى من وراهم

هنـــا بتنهى قصة الحب عـلى اساس ان احد الطرفين اتغدر بيه ... وهنـــا كــان لازم اغنية زى مـــالك للرد المستهزىء بالغادر

وهنــا ارتبــــاط اغنية مــالك ب ااااه من الفراق انهــا بتحوط نهــــاية القصة .......

بعــدت ليــه

[ندعوك للتسجيل في المنتدى أو التعريف بنفسك لمعاينة هذه الصورة]

نهــاية تانية لقصة الحــب ... بس المـــرة دى نهـــاية مأساوية

نهــــاية الحـــب نتيجــــة لظروف قـهرية ترغم الطرفين عــلى البعــد مــوقــف وكلنا بنعيش ونجربه

على الرغم من التوافق الشديد .. بتكون النهاية والبعد لظروف خـــارجة عن ارادة كل من الطرفين

فـى الحــالة دى الحب حقيقى . وموجود . بيكون كل من الطرفين نص تانى للاخر وعشان كده البعد فـى الحالة دى

بيكون اصعـــب عذاب لكل منهم ..

بعـــدت ليه خـــليتنى اخـــسر اغــلى حــاجة فــى دنيتى

ليه لما اقــابل حد غـــيرك لسة حــــاسس غربتــى

ليه انت بس اللى فــى عنيــــا مهما اشوف دايما

ليه اللى جـــاى لو كان لغيرك مش عـــايز اعيشه ابدا

حــب عمـــره مايتنســـى او يمــــوت عـــلى الرغم من البعد

حب حقيقى فعـلا على الرغم من الفـــراق ..

لكنها اغــلى حاجة فى دنيته . بيشوفها فـى كل مكــان

ودى حــالة من الواقع ومش هايعرف يحسهـــا الا اللى عــاشها

مع وجود عـــتـــاب حزين فـى عنوان الاغنية بعدت ليه ....

ومهما شوفت او عــرفت اى حد بعده .. مش هاتلاقـــى الراحة غير فى الوحدة

وده دليل على شدة الحب والم الفراق .....

ما جــاش فــى بــالى قبل منك انى احــب الحــب ده

عمـــلت ايه فيـــا ومشيت خليتنى بعـــدك اعيش كده

علمت قلبى حلم واحد بيك وبس بيحلمه ...

ماعرفش ينطق غير بحبك ماهو ده اللى اتعلمه ..

كــانه بيرد على نفسه فـى اغينة بقدم قــلبى ( انا كانش الحب عمره فى نيتى وانا معــاك غيــرت رأيى وفكــرتــى )

لكن الرد بألم الفراق وحزنه الدامى لقلبه ...

وهنـــا حط نهـــاية القصة والحــل الوحيد

ده انا راحـــتى بعدك ... فــــى وحدتى .....

****************************

ويــــــاه واقع نعـــــيشه جميعــــا

مين فيــنا عـــاش قصة حــب ؟

ومين فــينا نفسه يعيش قصة حــب ؟

اكيد الاجـــابة من الكــل على السؤالين سوا ... انا عشــت او انا نفــسى اعــيش القصة دى ...

قصـــــة الالـــبوم

من اول البوم ليلى نهــــارى وعمرو بدأ فى توحيد الجــانب النفــسى فــى الالبوم

بمعـــنى ان الالبوم بيكون كتلة واحدة . كيـــان واحد . قصــة واحدة مترابطة الاحـــداث

فلو كان ســـاب نهاية القصة . حـــالمة برجوع الحبيب ( فــى البوم ليلى
نهـــارى ) اغنية يدق البــاب ( بعد اغــانى زى وحشتينى . قصــاد عينى. خد
قلبى معــاه .)

غــامضــة فى البوم كــمل كــلامك باغنية ( اغيب اغيب )

رومانسية قوية فى البوم الليلادى واغنية ( خليك معايا )

جـــــاء البوم ويــــــــــــاه ليقدم قصة حــب كاملة باربع نهايات ماتخرجش عنهم اى قصة حــب عشناها او بنعيشها او هانعيشها

عشـــان كده الالبوم وااااقعــى كـل واحد هايلاقى قصته فــى الالبوم ده ...........

ويــــــــــاه

بــقدم قــلبى .. اغنية وضحــت الاعــتراف بالحب وهو بداية الطريق ... وعبرت عن جمـال الحب الاول

ويــاه .. وضحــت جمـال وفــرحة الحـــياة مع الحبيب .. ونهــاية تعب الحياة بوجود الحبيب فى حيــاته

الله عــلى حبك انت .. غــزل عفيف ومن جمــال الكلمة كل اتنين هايقولها لبعض

طــمنــى .. اغنية وضحـت استعجـال اللقا او بمعنى اخــر ( حبيب هايموت على حبيبته ) .. وبينت جمال اللحظة دى فـى راحة البـال

الا حبيبــى .. الامــان . اللى بيتمنى كل واحد يلاقيه مع حبيبه . فى الدفـاع عنه بكل جوارحه وتحذير اى عوامل تهدد الحب ده

اربــــع نهــايـــات مافيش اى قصة حــب هاتخــــرج منهم ...

1- النهــــاية السعيدة ..

بدأت بأغنية .. عينى وانا شــــايفه .. عايزة تـــانى ايه .. وضحــت اخــر احلام الحبيب انه يكون مع حبيبته

حـــلوة الايــــام .. وضحـت جمــال الايــام مع الحبيب ( حياتى عــايشها فى جنة طول ما انت معــايــا )

ودى كــانت اول نهـــاية لقصة الحـــب فـــى الالبوم .....

الفــــــراق .. تــلت نهــــايـــات للفـــراق .. او تلت انواع ....

فــــراق جــــرح الحبيب ... يهمــــــك فــــى ايه ... اللى وضحت الم الجرح اللى ممكن يسبب فــراق على الرغم من الحــب ..

فــراق الاصحـــــاب ... ااااه من الفــــراق .. واللى حكــت قصــة فــراق
خلينـــا اصحـــاب احـــسن ... واللى جات بعدها اغنية مالك

وهــى فـى رأيى عبقرية ديــاب .. فـى اضــافة مــالك فى الالبوم ده
لانهـــا بتكــمل اغنية اااه من الفــراق وبتضع نهــاية فــراق الاصحــاب

بغدر واحد فيهم .. وواللى بيتطلب رد مسنهزىء مع كتمـــان الم الفراق .. ودى وضحت فى الياك ساوند بتاع مــالك ...

اصعــب فـــراق .. اللى بتفرضه اى عوامل خــارجية تمنع ان الحبيبن دول
انهم يعيشو سوا عـلى الرغم من التفــاهم . والحــب .. زى تحكمــات المجتمع
..

فــرق السـن ممكــن .. فـرق المستوى ولو انه غير موجود حــاليا فـى عوامل
كتير ممكن تسبب الفراق .. غصب عــن الحــب مهما كان .. ده الواقع

بدأت النهــاية باغنية .. وحيــــاتى خليكـــى .. وضحـت قمــة الرومانسية الحزينة والخوف والقـلق من الفــراق .. وحيــاتى خليكى

نهــاية القصــة .. بعــدت ليه . وضحــت الم الفـــراق ده وبينت ان الراحــة الوحيدة فــى الحـــالة دى هــــى الوحــــدة

وده البوم الواقع ... ويـــــاه .. عبقرية ديـــاب وفريق العمــل بالكامل لخصت كل حكاية حــب فى 12 اغنية

اللى على الرغم من سمــاع بعض الاغــانى قبل الالبوم .. الا ان الاغــانى جوا الالبوم جو تــانى خـــالص ..

معاك حق فعلا يا ميمو كلام جميل جدا تسلم ايدك
بجد توبيك روعه
يارب تقبل مرورى

» تم افتتاح استضافه شباب ايجى بالدعم من منتديات شباب كريزى
» امتحان اللغه العربية 2009 على شباب كريزى
» حصريا اهداف المصرى والمحله على شباب كريزى
» كلوديا واغنيه جديده ::. يحنن .:: على شباب كريزى وبس
» تفاصيل شخصيه الكينج عمرو دياب على شباب كريزى