مذكرات زوج مفروس على الاخر

وانا قاعده فى امان الله ولا بيا ولا عليه

بصيت لئتوه داخل من الباب وعلى غير العادة وماسك فى ايده اليمين

كيس وايده الشمال علبة شكولاته

فقولت

((خير ..الحاجات دى لمين

انتا رايح زيارة لحد ولا ايه؟؟))

فقال لى

((لامش زيارة لحد ...دى حاجة لواحدة غالية عليا اوى ..وبحبها مووووت))

فقولت له((نعم اصدك مين ..انطق بسرعة لاحسن ابوردة يشتغل...)))

فقال لى(((خلاص من غير عنف اسرى....ليكى انتى طبعا ياحبيبتى يا ام عيالى

فقولت((((ليا انا....امممممم ياما جاب الغراب لمراته

ورينى جايب لى ايه؟)))

فقال لى((جيبت علية شكولاته للاولاد...وكما جبت لك الفستان اللى كان نفسك فيه من شهرين..)))

فقولت له(( نعم جيبت لى

الفستان اللى عينى طلعت عليه لما شوفته فى الفاترينه وقعدت ازن على دماغك ونتا رفضت

معقولة اشتريتوه لى؟؟!!)))

فقال لى((( يازوجتى العزيزة اللى فات مات

ونا مرفضتش ...كل الحكاية انى اجلت موضوع الفستان لاجل غير مسمى)))

فقولت((اظاهر انك عامل عمله وغلطت فى حقى عشان كده

جااى تسككت ضميرك بالهدية دى........فرد بيقول كده

انطق بسرعة اسمها ايه وكلمتها ليه من اساسوه

وايه اللى عجبك فيها

انطق لاحسن اطلع لك الساطور من المطبخ........بسرعة انطق)))

فقال لى ((( العفو والسماح

الهم لانسالك رد القضاء بل نسالك اللطف فيه

وحياتك عندى كل الحكاية الهدية تعبير عن حبى ليكى)))

فقولت له((( حبكت يعنى دلوقتى

عندك عيد الحب عبر عن حبك فيه

او عيد ميلادى او حتى عيد جوازنا

لازم الهدية اللى فى غير المناسبات الرسمية....حبكت دلوقتى الحكاية فيها ان..)))

فقال لى((كل الحكاية انى ونا راجع من الشغل قابلت

ولد وبنت فى مرحلة الشباب مخطوبين وماسكين ايدين بعض وماشيين

الموقف فكرنى بايام الخطوبة زمان لما كنا بنخرج مع بعض واحنا صغيرين ...زمان ايام الحب والرومانسية

حبيت اعمل جو رومانسى بالهدية دى

مكنتش اعرف انها هتجيب لى كل التهم دى..خلاص مش هعملها تانى)))

فقولت له(((

لامعلش يحبيبى

انا بحبك وبغير عليك موووت

وبخاف لتبص لوحده غيرى وبعدين خلاص عفونا عنك

اعمل جو رومانسى يسيدى براحتك فى اى وقت يعجبك

بس اصل الهدية سببها حاجتين

اما تكون عايز مصلحة من ورايا ودى مستبعدة

ويأما بتسكت ضميرك وبتصلح غلطة فى حقى

فرويد بيقول كده))))

فقال بصوت واطى(((الله يحرقك يفرويد)))

فقولت له((انتا بتبرطم وبتقول ايه؟؟))

فقال لى ((بقولك البسى عشان هفسحك وهعزمك على العشاء........)))

__________________

من تأليفى ...اهداء للمنتدى مذكرات زوج مفروس على الاخر Smile

هههههههههههههههههههههههه
يالهوى يا ميمو بجد جامد جدا تسلم ايدك ايه الحلاوة دى ياواد تسلم ايدك بجد

هههههههههههههههههههه
فكره جميله جدا تسلم ايدك ياميمو يا مؤلف
نايس توبيك

ههههههههههههههههههههههه

بجد بجد فظييييييييييعه تسلم ايدك يا عثل

تسلمى يا قمر على المرور الجامد جدا ده

» عربيات من الاخر