للدرجة دى مافيش ضمير ابدااااااااا ؟

السلام عليكم ورحمة الله وبركاته

ازيكوا ؟ يارب تكونوا بخير

النهاردة انا هاتكلم عن موضوع

مهم جدااا وانا مش عارفة احنا ساكتين عليه ليه لحد دلوقتى

فى البداية اتمنى ان الموضوع ما يكونش مكرر

والموضوع عن الكيماويات

تخيلوا دلوقتى ان كل حياتنا بقت كيماويات ؟

طب ونتخيل ليه ماهى فعلا حقيقة

دلوقتى الكيماويات فى كل اكلنا وشربنا واحنا بناكل ومش حاسين

لأننا لو مكلناش من الاكل دا مش هنلاقى ناكل

لا وكمان ايه دا اصحاب المزارع دلوقتى بيتفننوا

فى اختيار وسائل رش المبيدات وكل طريقة بقى مضرة اكتر من الأولى

وطبعا الاساتذة مش فارقة معاهم لانهم كل همهم ان

الفاكهة والخضروات تكبر بسرعة ومش مهم طعمها عامل ازاى

لا المهم انها تتباع وخلاص عشان عارفين ان الناس دلوقتى بقت

بتشترى وخلاص ماعادتش فارقة معاها

ومن جهل التجار انهم بيقولوا ان الناس خلاص زمانهم اكلوها واتهضمت

مايعرفوش بقى ان اكتر الكيماويات دى بتتخزن فى اجسام الغالبية العظمى

من البشر وساعات بتكون موجودة فى لبن الأم

ياعنى تخيلوا طفل صغير لسة مولود وبياخد كيماويات طب احنا وبنستحمل طب والأطفال ؟

دا غير اصلا ان الكيماويات دى مجرد رشها على التربة

بتفضل موجودة فى التربة وبتدمر اى نبات يتزرع فى التربة دى

لا ويسلام بقى لو الكيماويات دى على وش التربة بتتفاعل مع الهوا

وبتتصاعد لفوق تأذى الحيوانات وتنزل مع المطر اللى احنا بنشرب منه

ياعنى ماخلتش حاجة فى حياتنا ما دمرتهاش

لأنها بقت موجودة

فى أكلنا

وشربنا

والهوا اللى بنتنفسه كمان .

ياعنى بجد مش عارفة أقول ايه تانى

عاوزة رأيكم فى الموضوع لأنه بجد مهم جدااااا
فى أمان الله

بجد بقيت حاجه رهيبه بس هنعمل ايه طالما مفيش ضمير زى ما انتى بتقولى
توبيك روعه

تسلم ايدك ياخوخه فعلا مبقاش في ضمير