انا كداب صح ولا غلط؟؟؟؟؟؟؟؟؟؟؟؟

انا كداب صح ولا غلط؟؟؟؟؟؟؟؟؟؟؟؟

بسم الله الرحمن الرحيم

صبح تاتة اتنين فى تلاتة

النهاردة جايب موضوع جميل قوي

بس ياريت تقولي انا صح ولا غلط

انا انهارده عايزة افهم حاجه

ليه احنا بقينا كدا

بقينا فى زمن الكداب فيه حياته بتمشى زى الاكس

والصادق بيتعب عشان صدقه

زمن اللى بيضحك عليهم كتير واللى بيضحكو عليهم اكتر

زمن الراجل فيه يبقى بدراعه وقلبه الميت وقسوه قلبه

مش بعقله ولا طيبه قلبه ولا نيته الصافيه

زمن اللى مش بيكدب فيه مبيعرفش يعيش عشان اللى حواليه كدابين

واللى بيكدبو بيقعدو مع بعض يضحكو

طب ليه كدا دا احنا فى الاول والاخر روحنا ولا جينا ولاد ادم وحواء

ليه بتكدب ليه بتغش ليه بتخدع ليه تحبب الناس فيك اوى

وفى الاخر تغدر وتكره الناس فيك

على فكره مش شطاره انك تضحك ع الناس وتكرههم فيك

فى ناس بتحبك اوى ومتعرفش تكرهك وفى نفس متبقاش عارفه تامنلك

طب ليه كدا تحط اللى قدامك فى مواقف كدا

ليه تكره الناس فيك طالما انت قدامك تكسب حبهم

ليه تستقوى على اللى هما اضعف منك

وتفتكر انك قوى

بالعكس بقى لا اصحى وفوق دا

انت كدا ضعيف اوى

اوووووى

عشان اللى انت فاكرو ضعيف دا مش ضعيف واكيد وراه الاقوى منك ومنه

ربـــنـــــا

ولا دا كمان نسيته مهما وصل جبروتك مش هتوصل حاجه خالص فى قدره ربنا

اللى خلقنى وخلقك وخلق اللى انت واكل حقهم ومستضعفهم

اللى انت ضحكت عليهم واستغفلتهم وكدبت عليهم وغدرت بيهم

يعنى انت لو عرفت ربنا هياخدلهم حقهم ازاى

هتقول للى انت كلت حقه وظلمته او اذيته تعالى خد حقك منى انا

انا قدامك اهو اقتلنى لو يرضيك

ليه تحط نفسك فى موقف كدا

ليه بتكدب ليه بتغش ليه بتخون وتغدر

وعلى فكره زى ما عملت زى ما هيتعمل فيك

لو مكانش انهارده هيبقى بكره ولو مكانش بكره يبقى بعده

وساعتها مش هينفع الندم

كما تدين تدان

طب انت مش مقتنع بالكلام ؟

اولع واخبط دماغك فى الحيط انا عملت اللى عليا وقولتلك وهسال فيك لانك
مفيش فايده ولا بتفهم ولا بتحس ولا تستاهل خلاص بقى شوف هتروح لغايه فين
بدماغك دى

طب انت اقتنعت الحمد لله وربنا هداك

صلح غلطك واعترف قول بعلو صوتك

انا غــلــطـــــان

مش عيب ولا حرام انك تغلط عشان احنا بنغلط عشان نتعلم من غلطنا دا

ونتعلم نصلحو ازاى لو سهينا وغلطناه تانى وازاى منغلطوش او نغلط غلط زيه بعد كدا

العيب اننا نغلط ونقول مش غلطانين ونكابر ونعند

لا وايه شوفو البجاحه

نغلط نفس الغلط وباستمراريه

طب يا عم يا حج يا ست يا هانم

اى حد هنا يرد عليا

ذنب الناس دى ايه

اللى انت كدبت عليهم وغدرت بيهم

اللى انت اذتهم سواء بضرب او بشتيمه او سب او اذيته فى مشاعره وجرحته جامد

ذنبهم ايه ما تقول لنفسك كدا انا لو كنت مكانهم هعمل لو حصلى كدا

هتلعن اليوم اللى انت جيت فيه وهتكره الدنيا والعيشه

طب ليه يا ابن الحلال ما من الاول

غلطت معلش دا ربنا بيسامح البشر مش هيسامحو

ومتقلقش لو من قلبك اتعدلت ربنا مش هيسيبك وهييسرلك طريقك

ربنا عشان عبد تاب ليه من قلبه حرك الارض كلها عشان تبقى فرق خطوه ناحيه ملائكه الرحمه عشان ياخدو

فى قصه الراجل اللى قتل 99 نفس وراح لحكيم قالو مالكش توبه قتلو وبقى قاتل 100

شوفو رحمه ربنا

شوف انت نفسك عامل ازاى

فوق لنفسك قبل ما يفوت الوقت ومش هتلحق حتى تندم على عمايلك

بطل كدب وحب الناس اللى بتحبك

بطل غدر ودور ع الامان والحب

شوف اللى بيحبك فين وروحلو ومتروحش للى بيشجعك على اللى فى دماغك وحش

دا كدا بيكرهك

فوقو لنفسك بقى كفااااااايه لحد كدا

خلونا نلحق نفسنا ونلحق اللى فاضلنا دا احمدو ربنا غيركو بيضرب بالنار وبيوته بتتهد وانتو قاعدين

نميمه وكدب وغش وخيانه وغدر وهم ازرق وارف

ما تفوق بقى ايه اللى انت فيه دا

دا لو فضلت الدنيا والزمن عاملين فيها كدا

الراجل بدراعه والكداب بيعيش

واللى قلبه طيب وصادق فى كل حاجه مش عارف يعيش وبيتعب وبيتعذب

من كدب اللى قدامه

على كدا الدنيا متنفعش العيشه فيها

حاجه من تلاته

يا احاول اصلح ولو ان اصلا مفيش فايده

يا اما هسيبها واروح اى حته فى حد بيحترم ويقدر ويحب

يا اقعد بقى فى بيتنا استنى اجل ربنا لما يجيلى

مالهاش الا كدا انا تعبت من اللى بيحصل دا

يا ريت حد يجاوبنى كلامى دا صح ولا غلط

صح ولا غلط

هتصلح وتغير من نفسك

ولا هتفضل زى ما انت ( اولع مش طلباك كل اللى عندك اعملو بقى انا تعبت من نصيحتك )

ولا هتبقى فى النص وتقعد تغنى

يا دنيا غداره من زمان .. والطيبين مالهمش مكان

شوف هتعمل ايه وقولى بس قبل اى حاجه

انا صح ولا غلط ؟

تحياتي للجميع

ويارب مكنش طولت عليكو

بس الحوار دة خانقنى بجد

يالا بقى

ردو عليا